السلام عليكم ورحمة الله وبركاته
حبايبي الغالين في منتديات الأجودي أنقش إليكم حروفي الذهبيه وأضعها بين اياديكم البيضاء قصيده من إبداع محبكم ( الأجودي) وياليت أشوف آرائكم حيث انها مهمه بالنسبه لي حفظكم الله وأترككم مع قصيدتي بعنــــــوان::
(( راعـــي الأوّله))
أجودي لا قلتها بالجود رافع(ن) راسي
والأوّله لو سألتني عنها قلت لك راعي
أكرم الضيف بدلة الكيف ونوماسي
والبن فيها له من أبعد مكان ذعذاعي
حلّتي كرمها عامر(ن) بين الأطعاسي
ولاخبرت بيوم تقصر عن الفزعه ذراعي
وطيبتي للخلق تجري بمجرى الانفاسي
فيني الود والحب وفيني أجمل اطباعي
وإن ضاق خاطري بقلبها أخماس وأسداسي
أقوّم الدنيا وكلها بتأشيرة إصباعي
ماأرضى بالظلم والغبن من ناس اخساسي
وقتها انسى الأجودي وانزع قناعي
آخذ الهجر غدر وآخذ القرب بإحساسي
آخذ الزين بأصناف ومن كل الأنواعي
صفات مايوازيهاحتى اغلى الألماسي
و الجود قصر شامخ به حلتي ومرباعي
راعي الاوّله خذيتها بجود مايقاسي
وأعطي الحب حب لمن يستاهل الرّاعي
وسلامتـــــــــــــكم
محبكم
أجودي دوت كوم